நாளைய தினத்தைக் குறித்து

பல்லவி

நாளைய தினத்தைக் குறித்து பயமில்லை

நாதன் இயேசு எல்லாம் பார்த்துக் கொள்வார்

சரணம் 1

ஆண்டவர் எனது வெளிச்சமும் மீட்புமானார்

எதற்கும் பயப்படேன்

அவரே எனது வாழ்வின் பெலனானார்

யாருக்கும் அஞ்சிடேன் - அல்லேலூயா

சரணம் 2

கேடுவரும் நாளில் கூடார மறைவினிலே

ஓளித்து வைத்திடுவார்

கன்மலையின் மேல் உயர்த்தி நிறுத்திடுவார்

கலக்கம் எனக்கில்லை - அல்லேலூயா

சரணம் 3

தகப்பனும் தாயும் என்னை கைவிட்டாலும்

கர்த்தர் சேர்த்துக் கொள்வார்

கர்த்தருக்காய் நான் தினமும் காத்திருப்பேன்

புதுபெலன் பெற்றிடுவேன் - அல்லேலூயா

சரணம் 4

கர்த்தரிடத்தில் ஒன்றை நான் கேட்பேன்

அதையே நாடுவேன்

வாழ்நாளெல்லாம் அவரின் பிரசன்னத்தில்

வல்லமை பெற்றிடுவேன் - அல்லேலூயா

சரணம் 5

சிங்கக்குட்டிகள் பட்டினி கிடந்தாலும்

எனக்கோ குறையில்லை

குறைகளையெல்லாம் நிறைவாக்கித் தந்திடுவார்

கொஞ்சமும் பயமில்லை - அல்லேலூயா