காண்கின்ற தேவன்

பல்லவி

காண்கின்ற தேவன் நம் தேவன்

காலமும் அவரைத் துதித்திடுவோம்

அல்லேலூயா - அல்லேலூயா (2)

சரணம் 1

தம்மைத் தேடும் உணர்வுள்ளவன்

தரணியில் எவரேனும் உண்டோ

கர்த்தர் இயேசு காண்கின்றார்

கருத்தாய் அவரை தேடிடுவோம்

சரணம் 2

ஆவியிலே நொறுக்கப்பட்டு

ஆண்டவர் வார்த்தைக்கு நடுங்குகிற

அன்பு இதயம் காண்கின்றார்

அணுகிடுவோம் நாம் கண்ணீரோடு

சரணம் 3

உத்தம இதயம் கொண்டிருப்போம்

உன்னத வல்லமை பெற்றிடுவோம்

கர்த்தரின் கண்கள் பூமியெங்கும்

கருத்தாய் நோக்கிப் பார்க்கின்றன

சரணம் 4

ஆண்டவர் வார்த்தைக்குப் பயந்து

அவரது கிருபைக்கு காத்திருந்தால்

பஞ்ச காலத்தில் உணவளிக்க

பரிவாய் நம்மைப் பார்க்கின்றார்