அப்பா பிதாவே அன்பான தேவா

பல்லவி

அப்பா பிதாவே அன்பான தேவா

அருமை இரட்சகரே ஆவியானவரே

சரணம் 1

எங்கோ நான் வாழ்ந்தேன் அறியாமல் அலைந்தேன்

என் நேசர் தேடி வந்தீர்

நெஞ்சார அணைத்து முத்தங்கள் கொடுத்து

நிழலாய் மாறி விட்டீர்

நன்றி உமக்கு நன்றி (அப்பா)

சரணம் 2

தாழ்மையில் இருந்தேன் தள்ளாடி நடந்தேன்

தயவாய் நினைவு கூர்ந்தீர்

கலங்காதே என்று கண்ணீரைத் துடைத்து

கரம் பற்றி நடத்துகிறீர்

சரணம் 3

உளையான சேற்றில் வாழ்ந்த என்னை

தூக்கி எடுத்தீரே

கல்வாரி இரத்தம் எனக்காக சிந்தி

கழுவி அணைத்தீரே

சரணம் 4

இரவும் பகலும் ஐயா கூட இருந்து

எந்நாளும் காப்பவரே

மறவாத தெய்வம் மாறாத நேசர்

மகிமைக்குப் பாத்திரரே

சரணம் 5

ஒன்றை நான் கேட்பேன்

அதையே நான் தேடி ஆர்வமாய் நாடுகிறேன்

உயிரோடு வாழும் நாட்களெல்லாம்

உம்பணி செய்திடுவேன் - நன்றி