குணப்படு பாவி

குணப்படு பாவி, தேவ

கோபம் வரும் மேவி – இப்போ

கணப்பொழுதினில் காயம் மறைந்துபோம்

காலமிருக்கையில் சீலமதாக நீ

வேதத்தில் உன் தனை பார் – அந்த

வேத விதிப்படி நேர்

நீதியை செய்தவனார்?- தூய

நின்மலன் வாக்க தோ கூர்;

தீதுறும் பாவியின் தீமையறிந்துகொள்;

நாதன் கிறிஸ்து இப்போதே உரைக்கிறார்.

கர்த்தனை நீ மறந்தாய் – அவர்

கற்பனையைத் துறந்தாய்,

பக்தியின்மை தெரிந்தாய் – பொல்லாப்

பாவ வழி திரிந்தாய்,

புத்திகெட்ட ஆட்டுக் குட்டியே ஓடி வா,

உத்தம மேய்ப்பனார் கத்தி யழைக்கிறார்

துக்கமடையாயோ? பாவி

துயரமாகாயோ?

மிக்கப் புலம்பாயோ? – மனம்

மெலிந்துருகாயோ?

இக்கணம் பாவக் கசப்பை யுணராயோ?

தக்க அருமறைப் பக்கந் தொடராயோ?

தாவீ தரசனைப்போல் – தன்னைத்

தாழ்த்தும் மனாசேயைப்போல்

பாவி மனுஷியைப்போல் – மனம்

பதைத்த பேதுருபோல்,

தேவனுக்கேற்காத தீமைசெய்தேனென்று

கூவிப் புலம்பு நல் ஆவியின் சொற்படி

உன்னை நீ நம்பாதே! – இவ்

வுலகையும் நம்பாதே;

பொன்னை நீ நம்பாதே – எப்

பொருளையும் நம்பாதே;

தன்னைப் பலியிட்டுத் தரணி மீட்டவர்

நின்னையும் ரட்சிப்பார் , அனைவரைப் பற்று